Trajneri legjendar italian Carlo Ancelotti ka bërë të ditur se do t’i japë fund karrierës kur të largohet nga Real Madridi.
Ancelotti së fundmi ka mbushur 63 vjeç dhe në një intervistë për gazetën italiane Il Messaggero tha: “Do ta përfundoj karrierën time te Reali, sepse besoj se duhet të largohem në kulm dhe Reali është kulmi i futbollit”.
Ancelotti nuk ka dashur të parashikojë se sa vite të tjera planifikon të qëndrojë në stolin e Real Madrid dhe kontrata aktuale e lidh atë me klubin madrilen deri në verën e vitit 2024.
