Demokratja, Mimoza Hajdarmataj ka komentuar vrasjen e 48-vjeçarit Fatos Çollaku që i dha fund jetës këtë të martë në Përrenjas, prej kushteve të vështira ekonomike në të cilat jetonte.
Hajdarmataj përmes një postimi në rrjetin e saj social fb, shprehet se Shqipëria prej 9 vitesh ka portretin e Fatosit, portretin e mjerimit dhe skamjes, me një pushtet lokal të korruptuar.
Postimi:
E keqja nuk ka fund….
Fatos Çollaku, 48 vjeçari nga Përrenjasi i dërmuar nga një mjerim dhe izolim i thellë, u detyrua t’i japë fund jetës në mënyrën më tragjike.
Në një mënyrë ose tjetër, mijëra shqiptarë të tjerë kanë rrethana të ngjashme me Fatosin, vetëvrasja e të cili duhet të peshojë si krimi më i rëndë në ndërgjegjen e ministrave dhe ministreve, deputetëve të zonës që bëjnë avokatin show të Ramës, të pushtetit të paaftë e të korruptuar qendror e lokal.
Dhe, kjo ngjarje e rëndë po ikën në një shpërfillje të plotë, prej një arrogance të padëgjuar e parë nga një pushtet, që mendon vetëm të shtrydhë xhepat e shpuar të shqiptarëve, për xhepat e PPP-ve.
Nuk kam më tepër fjalë për të shprehur neverinë ndaj kësaj klike antikombëtare.
Lus Zotin ta pranojë në parajsë, shpirtin aq shumë të përvuajtur të Fatosit, apo dhe shumë të tjerëve, që kanë ikur nga kjo tokë në heshtje dhe në braktisje totale nga shërbimet e shtetit.
Nëntë vite që Shqipëria ka portretin tënd Fatos
