Pas rreth 24 orësh kërkime, është gjendur trupi i pajetë i 14-vjeçarit në lumin Seman.
I mituri ishte zhdukur prej paradites së djeshme dhe përgjatë gjithë natës familjarë të të miturit dhe banorë të zonës kanë ngritur prita, në tentativë për të gjetur trupin e djalit.
Mëngjesin e kësaj të enjteje pranë brigjeve të lumit kanë mbërritur forcat speciale Renea dhe polumbarët.
Dyshohet se 14-vjeçari ka hyrë në ujë për të nxjerrë grepat të cilat mendohet se i kanë ngecur në lum.
Një tjetër djalë i familjes Saka është mbytur në të njëjtin vend më shumë se 10 vite më parë.
