Edhe Bangladeshi i shtohet listës së vendeve që e njohin Republikën e Kosovës duke e çuar kështu numrin në 114-të të shteteve që i kanë dhënë njohje.
Lajmi është raportuar nga gazeta Dhaka Tribune.
Vendimi u mor nga kabineti qeveritar, ndërsa kjo e përditshme shkruan se për këtë çështje “sekretari i kabinetit Mohammad Shafiul Alam ka njoftuar gazetarët pas takimit të rregullt të kabinetit, të hënën”.
Dhaka Tribune njofton se pak kohë më parë Ministria e Jashtme e Bangladeshit i kishte kërkuar Qeverisë ta pranojë Kosovën si shtet të pavarur dhe sovran.
Kjo gazetë shkruan se kjo është njohja e 114-të për Republikën e Kosovës.
