Kroçerat e shumta që udhëtojnë përgjatë bregdetit shqiptar derdhin pa kriter ujërat e zeza, por edhe mbeturina të tjera që konsumohen nga pasagjerët.
Video e mëposhtme tregon atë se çfarë ndodh në plazhet e jugut, ku veç të tjerat nga krocerat hidhen në det edhe lëkurat e shalqirit. Por jo vetëm kaq, shkarkohen edhe letrat higjenike, shishe plastike apo edhe qese.
Prej ditësh pushuesit kanë shprehur shqetësimin e tyre se nuk po bëjnë dot plazh për shkak të ndotjes së plazhit nga mbetjet e kroçerave, madje edhe nga vajrat apo karburantet që rrjedhin në det.
Deti vijon të ndotet herë pas here nga kroçerat apo anijet turistike që lundrojnë në zonë dhe kjo sipas pushuesve bëhet ditën për diell, ndërsa nuk ka asnjë masë nga institucionet.
