Me rastin e Karnavaleve qindra persona ishin në një qytet bregdetar brazilian për të mbuluar veten me baltë.
Ata të veshur me kostume banje, shumë njerëz “pushtuan” të shtunën Paratin dhe u hodhën në pellgje plot baltë. Ky ritual njihet me emrin “Bloco da Lama”, që në shqip përkthehet “Festa e Baltës”, raporton “DailyStar”.
Festë e ka origjinën në vitin 1986, kur disa adoleshentë të zonës, të cilët po ecnin në pyll, u lyen me baltë për të mbajtur larg mushkonjat. Njerëzit lyheshin me baltë dhe ecnin nëpër qytet, por kjo praktikë u ndalua pas ankesave të pronarëve të dyqaneve, të cilët mërziteshin kur muret bëheshin pis me baltën që është e vështirë për tu hequr.
Por ditët e sotme ata që festojnë qëndrojnë vetëm në plazh, duke u baltosur e duke dëgjuar muzikë.
