Një 18-vjeçare akuzon se shoferi i një furgoni e ka përdhunuar. Vajza ka bërë kallëzimin në polici, teksa ka thënë se gjithçka ka ndodhur më 23 shkurt.
Vajza me inicialet E.C ka denoncuar rreth orës 19:00 të ditës së shtunë 28-vjeçarin V.B. dhe e akuzon atë për përdhunim. Ajo ka thënë se ditën e enjte ka dalë nga shtëpia në lagjen Sukth i Ri dhe ka shkuar tek stacioni i furgonëve, pasi donte të shkonte te kushërinjtë e saj në Manëz.
Sipas dëshmisë së vajzës ajo aty ka gjetur një furgon që drejtohej nga 28- vjeçari V.B., edhe ai banues në Sukth i Ri. Vajza ka hipur për të ndjekur itinerarin e linjës së furgonit, por djali ka abuzuar me të, duke përfituar që ajo ishte e vetmja pasagjere në ato momente.
Vajza thotë se i riu ka devijuar itinerarin duke e ndalur makinën tek Gjiri i Lalzit, në një vend të shkretë ku nuk kishte njerëz. Ku dhe e ka përdhunuar vajzën 18-vjeçare.
Pas ngjarjes, vajza tha se ai e ka hipur sërish në furgon dhe e ka lënë në Manëz.
