Me anë të një postimi në faqen e tij zyrtare në facebook, kreu i LIBRA, deputeti Ben Blushi ka akuzuar qeverinë për sa ndodhi së fundi me protestuesit e Zharrëzës, që nuk u lejuan nga policia të ngrinin çadër proteste para ministrisë së Energjetikës.
Sipas tij, “Kjo është Republika e Korrupsionit. Nëse je kundër Drejtësisë mbrohesh nga Qeveria. Nëse je pro Drejtësisë të heqin jo vetëm Cadrën por edhe qiellin”.
Ja statusi i plotë i Ben Blushit:
CADRA E TË PASURVE DHE CADRA E TË MJERËVE
Qeveria e la Cadrën e pasanikëve të PD.Do ta lejojë të ngrihet mbi bulevard duke e përdorur si argument kundër Reformës në Drejtësi. Ndërsa Cadrën e të mjerëve të Zharrëzës nuk e lejon.Ndryshe nga PD ata jane pro Reformës në Drejtësi, pa asnjë kusht. Kjo është Republika e Korrupsionit. Nëse je kundër Drejtësisë mbrohesh nga Qeveria. Nëse je pro Drejtësisë të heqin jo vetëm Cadrën por edhe qiellin.
