Pasditen e sotme forcat e policisë u konfliktuan me banorët e Zharrëzës, të cilët tentuan të ngrenë çadrat përpara ministrisë së Energjitikës.
Por gjatë përplasjes me policinë, njërit prej protestuesve i ra të fikët. Mësohet se personi që shihni në foto quhet Qani dhe ka qenë i pranishëm edhe në takimin e sotëm me zëvendëskryeministrin Peleshi.
Edhe pse në moshë të thyer, Qaniu ka ecur në këmbë për tre ditë me radhë për të mbërritur në Tiranë.
Ai së bashku me bashkëfshatarë të tjerë të Zharrëzës kërkon dëmshpërblim për dëmet e shkaktuara nga lëkundjet e tokës, që sipas banorëve i shkakton kompania “Bankers”.
