Vetitë mjekësore të bimës së shafranit kanë qenë subjekt i mbi 5.600 hulumtimeve dhe studimeve biomjekësore.
Sayer Ji nga GreenMedInfo thotë se projekti i tyre 5-vjeçar me hulumtime të ndryshme ka zbuluar se shafrani mund të shërbejë për parandalimin e 600 sëmundjeve të ndryshme, e gjithashtu i sjell 175 efekte të ndryshme psikologjike.
Duke marrë parasysh densitetin e hulumtimeve për shafranin, nuk është e çuditshme që një numër i madh i tyre kanë konkluduar se kjo bimë mund të krahasohet me shumë ilaçe mjekësore, duke përfshirë:
Lipitorin/Atorvastatin (ilaçe për kolesterolin)
Një studim i vitit 2008, i publikuar në revistën “Drugs in R & D”, ka zbuluar se përbërësit e shafranit mund të krahasohen shumë lehtë me ilaçet si atorvastatina (emri në treg: Lipitor), pasi që edhe shafrani ndikon në zvogëlimin e inflamacionit dhe stresit oksidativ në pacientët që vuajnë nga tipi 2 i diabetit.
Corticosteroidet (ilaçe për steroide)
Një studim i vitit 1999 kishte zbuluar se polifenoli që gjendet në shafran, apo pigmenti i njohur si curcumina, mund të krahasohet lehtë me steroidet sa i përket menaxhimit të uveitsit anterior kronik, sëmundje e inflamacionit të syve.
Ndërsa, një studim i publikuar në vitin 2008 ka zbuluar se curcumina mund të krahasohet lehtë me ilaçin corticosteroid si një terapi alternative për ruajtjen nga lëndimet që ndërlidhen me transplantimet e mushkërive.
Prozacun/Fluoxetinen dhe Imipraminen (ilaçe antidepresuese)
Një studim i vitit 2011, i publikuar në revistën “Acta Poloniae Pharmaceutica”, ka zbuluar se curcumina (përbërësi kryesor i shafranit) mund të krahasohet favorshëm me ilaçet të cilat kanë për qëllim zvogëlimin e sjelljeve depresuese.
Theksojmë se studimi është kryer vetëm te kafshët, jo te njerëzit.
