Futbolli argjentinas ka dhuruar dy episode tepër interesante në përballjen e javës së 11-të të saj. Përballja mes Godoy Kruz dhe Velez u mbyll në barazim 1-1, por ata që tërhoqën vëmendjen e tifozëve, duke u bërë viral edhe në rrjetet sociale ishin dy momente ku aktor kryesor u bënë portieri i miqve, Hojos.
Në tentativën për të shmangur një goditje nga këndi, 33-vjeçari lëvizi në mënyrë amatore në kufijtë e vijës fundore, për ta dërguar topin në këmbët e kundërshtarit, i cili me portën e boshatisur e kishte tepër të lehtë të shënonte.
Entuziazmi i tifozëve vendas u shua shumë shpejt, pasi rivalët vendosën baraspeshën me autor Diego Godin. Qendërmbrojtësi i njohur në Europë, pasi ka luajtur për ekipe si Atletiko Madrid e Inter gjeti kohën e topit dhe me kokë vulosi shifrat e duelit në 1-1.
Një pikë e siguruar nga Velez falë edhe trajnerit, Medina. Ky i fundit për një moment u shndërrua në lojtarin e 12-të për skuadrën e drejtuar prej tij, teksa kaloi zonën e tij për të ndërhyrë në aksionin e kundërshtarëve. Moment që solli zemërimin e lojtarëve të Godoy dhe ndëshkimin e trajnerit me karton të kuq.
