Një aksident më pasojë vdekjen ka ndodhur pasditen e sotme në Sarandë, rreth orës 16:30.
Në fshatin Qesarat, automjeti tip Kamion-Man, me targë SR 7476 B, me drejtues S.B., 58 vjeç, banues në fshatin Gravë, ka goditur kalimtarin N.B., 80 vjeç, banues në fshatin Qesarat, njofton policia.
Për pasojë 80-vjeçari ka ndërruar jetë në vend. Policia ka shoqëruar drejtuesin e mjetit S.B., për sqarimin e rrethanave të ngjarjes.
Policia thotë se paraprakisht dyshohet se ngjarja ka ndodhur për shkaqe aksidentale. Grupi hetimor ndodhet në vendngjarje duke kryer veprimet e mëtejshme proceduriale.
