Një protestuese “topless” është ndaluar nga policia teksa kandidatja franceze për Presidente, Marine Le Pen, po mbante një konferencë shtypi, raporton BBC.
Raportohet se gruaja, e cila është anëtare e organizatës radikale feministe, Femen, hipi mbi karrigen e saj, ndërsa Le Pen po fliste për gazetarët, dhe filloi të bërtasë “Marine, feministe false”.
Por e menjëhershme ka qenë ndërhyrja e truprojave që zhvendosën me shpejtësi protestuesen nga salla ku po mbahej edhe konferenca e shtypit. Janë nevojitur 3 truproja për ta nxjerrë nga salla, raporton BBC.
