Deputetja Monika Kryemadhi është munduar sot të japë një zgjidhje për nxjerrjen e vendit nga kthetrat e kultivimit të kanabisit.
Zonja Kryemadhi ka qenë e pranishme në një takim që është zhvilluar ditën e sotme në fshatrat e Cërrikut, Belshit dhe Peqinit. Në takim ishin të pranishëm ministri i Bujqësisë Edmond Panariti dhe Taulant Balla, deputet i PS.
Deputetja, ka një recetë të thjeshtë për t’i dhënë fundit kultivimit të kanabisit: “Shafran në vend të bimës së gjelbër’’.
‘’Ka mundësi pa fund të largojmë njerëzit nga paligjshmeria dhe pengu i krimit”, tha ajo, duke u propozuar fermerëve të heqin dorë nga hashashi dhe të fillojnë me kultivimin e shafranit.
“Shafrani është një bimë shumë elitare e cila kërkon përpunim cilesor por Shqipëria dhe sidomos zona e Elbasanit ka shume mundësi për ta kultivuar”, shtoi Kryemadhi.
