Një 30-vjeçar ka pësuar dëmtime në kokë, ndërsa ishte duke u larë në një pishinë në Sarandë. Ngjarja ka ndodhur aksidentalisht, ndërsa i riu është transportuar drejt spitalit të Traumës në Tiranë, për mjekim të specializuar.
Sarandë/Informacion paraprak
Sot, në mesditë, në spitalin e Sarandës është paraqitur për ndihmë mjekësore, shtetasi M. J., 30 vjeç, banues në Dibër, i cili dyshohet se është dëmtuar aksidentalisht në kokë, duke notuar në pishinë.
30-vjeçari është dërguar në Spitalin e Traumës, Tiranë, për mjekim më të specializuar.
Grupi hetimor po kryen veprimet për sqarimin e plotë të rrethanave të ngjarjes.
