Në tregun e këmbimit valutor vendas, të Enjten ,dollari amerikan forcoi pozitat në raport me lekun, krahasuar me një ditë më parë, ndërsa euroja vijoi të humbasë terren.
Sipas kursit zyrtar të Bankës së Shqipërisë, monedha e gjelbër amerikane u forcua me 0.66 lekë dhe këmbehet me 114.90 lekë, ndërsa euroja zbriti me 0.09 lekë dhe këmbehet me 116.93 lekë.
Paundi britanik krahasuar me ditën e mërkurë, u dobësua me 0.31 lekë duke zbritur në kuotën 138.08 lekë.
Ndërkohë, franga zvicerane këmbehet me 118.22 lekë, ose 0.24 lekë më shume se ditën e mërkurë.
