Deputeti i Partisë Demokratike, Agron Shehaj ka akuzuar Ministrinë e Turizmit se me anë të një VKM-je morën vendimin për të zvogëluar parkun e Butrinit, duke hequr një pjesë të zonës së mbrojtur për të bërë investitor strategjik kushërinjtë e ministrit Gjiknuri.
“Kjo është pika e vogël që çdo shqiptar do e kishte zili, do jetë investim prej 28 mln euro. Jo kur morët vendimin për ta zvogëluar parkun deri tek pika e vogël, pse nuk e vendosët diku tjetër kufirin. Këtë pikën e vogël e nxorët sepse ishte e kushërinjve të ministrit, këtë dyshim kam. Është fiks tek kufiri që keni vendosur, për ju është e vogël. Betonizimi ku është tek kjo pika e vogël, meqë ministrja thotë e hoqëm nga parku kombëtar. Nuk ka beton, vetëm një gënjeshtër për të mbrojtur sekretarin e përgjithshëm të PS. Sepse kjo qeveri ka vetëm një qëllim, të pasurohen. Nuk kishin asgjë para se të futeshin në politikë, para se të bëheshin pronarë të pikave të vogla. Ju u vendosët në shërbim për të pasuruar ministrin”, tha Shehaj.
“Ju e dinit shumë mirë që pika ishte brenda parkut. Këtë përgjigje ju ka thënë Agjensia e Zonave të Mbrojtura 4 mijë metër katror sipërfaqe që ndodhet. Shpallët investor strategjik duke shkelur ligjin, e dinit që ishte brenda parkut. Cila është arsyeja, është e thjeshtë, Për të pasuruar veten, ligji nuk vlen. Rama zvogëloi hapësirën e parkut të Butrinti pasi ju morët vendimin. Kaluam nga ligjet me porosi për oligarkët, në atë për ministrat. VKM-ja e parë që bëri kunatin e Xhaçkës investiture strategjike, VKM-ja tjetër heq pronën nga zona e mbrojtur. Çështja është që ky është një shtet i kapur, të gjithë në shërbim të ministarve që po pasurohen, kuptohet me leje të Ramës, ai di gjithçka”, shtoi ai.
Kumbaro u përgjigj: Kam pasur respekt për profilin tuaj si biznesmen i suksesshme dhe e itenerarin tuaj e kam ndjekur me respekt. Por ju sot po përgojoni biznesmenë që bëjnë punë. Unë jam ministre Turizmit dhe jo më e Kulturës siç tha më parë edhe Tabaku.
