Policia e Tiranës ka vënë në pranga një 17 vjeçare nën akuzën se ka detyruar një vajzë ë mitur të kryente marrëdhënie seksuale.
Sipas njoftimit të policisë, është arrestuar shtetasja K. H., 17 vjeçe si dhe Dritan Toska, 37 vjeç, të dy nga Tirana.
“Arrestimi i këtyre personave është kryer pasi, Dritan Toska ka kryer marrëdhënie seksuale me shtetasen e mitur S. SH., pa dëshirën e saj, marrëdhënie kjo e krijuar dhe nxitur nga shtetasja K. H. Shtetasja K. H., gjithashtu dyshohet se ka nxitur shtetasen S. Sh., të kryej marrëdhënie seksuale edhe me shtetas të tjerë me qëllim përfitim monetar”, bëri të ditur policia.
Dosja i ka kaluar Prokurorisë së Tiranës, për akuzën e “marrëdhënie seksuale me dhunë me të mitura të moshës 14-18 vjeç”, në ngarkim të Toskës dhe për akuzën e “favorizimi i prostitucionit” në tentativë për adoleshenten K. H.
