Boris Johnson ka mbajtur fjalimin e tij të fundit si kryeministër i Britanisë së Madhe.
Këtë të mërkurë në parlament, Johnson u duartrokit nga radhët e partisë së tij dhe të kundërshtarëve politikë, teksa nuk munguan edhe ironitë.
Teksa dha këshillë për personin që do e pasonte në detyrë, Johnnson tha në mënyrë tallëse misioni u krye, “hasta la vista baby”.
“Dua të përdor sekondat e fundit për të dhënë disa këshilla për pasardhësin tim, kushdo qoftë ai ose ajo. E para, rriji afër amerikanëve, e dyta, mbështet ukrainasit dhe e treta, mbështet lirinë dhe demokracinë kudo. Transformuam demokracinë tonë dhe rivendosëm pavarësinë tonë kombëtare.
Ndihmua, që vendi të kalonte pandeminë dhe ndihmuam për të shpëtuar një vend tjetër nga barbarizmi dhe sinqerisht kjo është mjaftueshëm për t’u shënuar. Misioni u plotësua tej mase. Dua t’ju falenderoj ju, stafin, miqtë dhe kolegët, opozitën, dua të falenderoj çdokënd këtu dhe. “Hasta la vista, baby”, tha ndër të tjera Johnson gjatë fjalimit të tij.
Johnson u detyrua të shpallë largimin nga posti i kryeministrit në fillim të këtij muaji pas një furie prej më shumë se 50 dorëheqjesh nga qeveria e tij, në kundërshtim me kryeministrin pas një skandali që kanë dalë për vendin.
Johnson dha dorëheqjen pasi u zbulua skandali se kishte emëruar një politikan të akuzuar për sjellje të pahijshme seksuale.
