Një 52-vjeçar fermer gjeti vdekjen sot në fshatin Dushk të Lushnjes, pasi e zuri zetori.
Viktima Behar Shpata ka qenë duke punuar tokën e tij kur në një moment ka zbritur nga zetori për të pastruar frezën, e cila ishte bllokuar.
Mësohet se ky moment ka qenë fatal për 52-vjeçarin pasi freza ishte e ndezur, duke e tërhequr dhe duke plagosur rëndë.
Edhe pse fermerët e tjerë i kanë shkuar menjëherë në ndihmë, ata nuk kanë mundur ta shpëtojnë viktimën.
Dëshmitarët thonë se skenat në vendin e ngjarjes ishin tronditëse. Madje është dashur ndërhyrja e forcave zjarrfikëse për të bërë të mundur nxjerrjen e trupit të 52-vjeçarit nga zetori.
