Avokati Altin Goxhaj i ftuar në “Fax News” ka folur për kandidimin e tij në garën për tu zgjedhur Avokat i Popullit.
Goxhaj tha se PS-PD kanë kryer sërish marrëveshje të fshehtë për të shitur me 5 vite të tjera postin e Avokatit të Popullit. Gjithashtu Goxhaj bëri publike shkeljet e pretenduara sipas tij të rregullores.
“Nesër fillon procedura në Parlament për zgjedhjen e Avokatit të Popullit. Unë i kam shpjeguar gjitha gjitha arsyet cfarë do të isha unë si avokat i popullit. Sot dua të tregoj si Alibeaj dhe Balla dy kryetarët e grupeve kanë manipuluar gjithë procesion e avokatit të popullit për ta shitur edhe për 5 vite të tjera, sic e shitën para 5 vitesh me Basha-Rama.
Ata kanë bërë një pazar duke shkelur ligjin nga a-zh, duke shtuar 7 mandatura të preferuara nga Taulant Balla dhe Bushka duke ia shitur që të vendosë Bushka. Ky është akt i pastër tradhtie dhe akt i shëmtuar sepse në këtë rast bëhet fjalë kush do të nxjerr nga burgu njerëzit.
Votuesit e Alibeajt janë viktimat reale të këtyre pazareve. Unë kam mbështetur protestues që kanë mbajtur krahun e Bashës të cilët i kam nxjerrë nga burgu dhe i bëj thirrje deputetëve të Bashës që të mos shesin procesin. Problemi qëndron që këtu procesi është shitur për dy muaj duke manipuluar të gjitha procedurat, ku mund tu tregoj relacionin me 10 faqe që i dorëzohet cdo deputeti të opozitës sepse mazhorancës nuk kam cfarë u them. Në këtë relacion është përcaktuar qartë se si ëhstë shkelur rregullorja e parlamentit dhe ligji i Avokatit të Popullit.
Këtu Alibeaj po e shet Avokatin e Popullit. Unë do të vazhdoj kandidimin sepse kam mbështetjen e opozitës, jam i sigurt që kam mbi 28 firma për të kandiduar por po bëhen kulisa duke u shkelur rregulloret për përcaktimin e Avokatit të Popullit. 3 muaj para duhet të ishte shpallur gara e cila shpallet me vendim të Kuvendit që i cohet komisionit parlamentar dhe ata e shqyrtojnë duke dhënë datën dhe afatet dhe bëhet më pas publike. Pasi bëhet ky proces kandidojnë një grup njerëzish. Cfarë ndodhi? Unë isha i vetmi kandidat që siguroja firmat e opozitës, por u shqetësua Sorrosi dhe mbi të gjitha u shqetësua Alibeaj”, tha Goxhaj..
