Moderatorja Argjira Spanca ka zbuluar se muajt e fundit ka pasur disa probleme shëndetësore. Ajo tregoi se ka pasur probleme me mushkëritë dhe pas trajtimit ka zbuluar të tjera probleme që kanë ardhur për shkak të neglizhencës së saj.
Mes të tjerash prezantuesja tregoi se ka patur netë kur zgjohej pa frymë fare, por fatmirësisht tashmë është më mirë.
“Sot kam vendosur që të flas pak për shëndetin. Kam pasur një problem me mushkëritë për disa muaj rresht. Kisha probleme me frymëmarrjen dhe netë kur zgjohesha pa frymë fare. Jam marrë pafund me analiza gjithashtu kam qenë duke marrë një terapi për mushkëritë, por jo vetëm. Nuk kam vetëm një problem, por më kanë dalë shumë problematika me shëndetin dhe të gjitha vijnë si pasojë të moskujdesit ndaj vetes. Të gjithë ne kemi tendencën kur jemi mirë në përditshmëri nuk na iMntereson fare të bëjmë analiza, por që nga zemra ju them shkoni kujdesuni për veten sa të mos jetë vonë”, ka thënë ajo.
