Ministria ruse e Mbrojtjes tha se ushtria e saj sulmoi një bazë të përkohshme të trupave ukrainase në Mykolaiv në jug të vendit, duke vrarë mbi dyqind ushtarë.
Sipas zëdhënësit ushtarak rus, Igor Konashenkov, nacionalistët dhe mercenarët u eliminuan gjatë këtij sulmi.
Përveç kësaj, trembëdhjetë automjete ushtarake të përdorura nga forcat e armatosura ukrainase u shkatërruan, shtoi ai.
Gjatë gjithë ditës së djeshme, ushtria ruse goditi gjithashtu disa vende të prodhimit dhe riparimit e raketave ukrainase Tochka-U në Dnipro.
