Dy adoleshentë, 16 dhe 17 vjeç, të punësuar në qendrën tregtare Megatek, janë plagosur teksa ishin të punësuar. Ata ndodhen në spital dhe sipas raportimeve mediatike, gjendja e tyre ishte e rëndë.
Lidhur me ngjarjen e rëndë ka reaguar përmes rrjeteve sociale, gazetari Klodian Tomorri, i cili duke iu referuar Kodit të Punës, shkruan se fëmijët nën moshën 18 vjeç nuk mund të punësohen në punë të vështira.
Tomorri shkruan se lidhur me ngjarjen Inspektoriati i Punës nuk di gjë, policia tenton e jep njoftimin si me quiz, ndërsa nuk dihet nëse adoleshentët e plagosur ishin punonjës të Megatek apo të ndonjë nënkontraktori.
Postimi nga Klodian Tomorri
Kodi i Punes thote qe femijet nen moshen 18 vjec nuk mund te punesohen ne pune te veshtira qe mund te cenojne ose perbejne rrezik per shendetin e tyre.
Dy minorene 16-17 vjec bien nga skela e Megatekut. Inspektoriati i punes nuk di gje. Policia tenton njehere ta fshehe njoftimin, pastaj e jep si me quiz. Ne media nuk merret vesh gje, nese keta ishin punonjes te megatekut apo ndonje nenkontraktori. Por fakti qe eshte veshtire me u marr vesh perben nje hint se punetoret e kujt kane qene.
Me gjasa edhe gjykata do dale ne perfundimin qe hipja ne skele nuk eshte pune e rrezikshme dhe as cenon shendetin e minoreneve. Gjykatesi do beje dhe nje interpretim shkencor per kete pune.
Pastaj ne fund fare, pronari i Megatekut ose kompanise nenkontraktore, (nese kane qene punonjes te nenkontraktorit) do ankohen se ne Shqiperi eshte bere shume e veshtire per te gjetur punonjes.
