Dikur, një nga futbollistët më të talentuar në botë, Jack Wilshere, i dha fund zyrtarisht karrierës së tij profesionale në moshën 30-vjeçare
Wilshere njoftoi tërheqjen nga sporti këtë të premte, kur aventura e tij te klubi danez, Aarhus përfundoi pas më pak se gjashtë muajsh. Karriera e “Jacky Boy”, i cili kishte mbrojtur 34 herë ngjyrat e Anglisë (2 gola), veçanërisht në Botërorin 2014 dhe Euro 2016, do të lërë një shije të hidhur të lidhur me dëmtime të shumta. Si provë, në 14 vite karrierë të kaluar në 5 klube të ndryshme, Jack Wilshere ka luajtur vetëm 287 ndeshje nw futbollin profesionist, duke përfshirë 197 me “Topçinjtë”, ku shpërtheu në sytë e Evropës një mbrëmje në shkurt të 2011 kundër Barcelonës (2-1).
“Sot po njoftoj tërheqjen time nga futbolli profesionist. Ka qenë një udhëtim i jashtëzakonshëm i mbushur me kaq shumë momente të mrekullueshme dhe ndihem i privilegjuar që kam përjetuar gjithçka që kam bërë në karrierën time. Duke kaluar nga gjuajtja e topit në kopshtin tim te kapiteni i Arsenalit tim të dashur dhe të luaja për vendin tim në një Kupë Bote. Kam jetuar ëndrrën time. Të them të vërtetën, ka qenë e vështirë të pranoj që karriera ime është shkatërruar kohët e fundit për arsye përtej meje, ndërsa ndjej se kam ende shumë për të dhënë. […] Duke pasur kohë për të reflektuar dhe biseduar me të dashurit e mi, e di që kjo është momenti i duhur dhe pavarësisht kohëve të vështira, e shikoj karrierën time me shumë krenari në lidhje me atë që kam sukses”, ka shkruar në veçanti Wilshere përmes një mesazhi të gjatë të postuar në llogarinë e tij në rrjetet sociale.
Jack Wilshere, i cili përfundoi provimet e tij si trajner në muajt e fundit me ndihmën e Arsenalit, pritet të marrë drejtimin e U18 të Gunners, sipas The Athletic . Diçka për të hapur një faqe të re në botën e futbollit.
