Ndërsa ka nisur një takim mes kryeministrit Rama dhe kryeparlamentarit Ilir Meta, ish-kryeministri Berisha thotë se kjo është darka e fundit e qeverisjes së tyre. Deklaratat Berisha i bëri në emisionin “Studio e Hapur”.
Ndërkohë lidhur me takimin Rama-Meta, Lapsi.al mëson se ata po takohen në Kryeministri dhe jo në Kryesinë e Kuvendit, ku Rama i shkon zakonisht Metës.
Takimi zhvillohet kur prej disa ditësh po zhvillohet një grevë e opozitës e cila kërkon krijimin e një qeverie teknike dhe kur nga radhët e opozitës janë shtuar zërat që Meta t’i mbështesë.
