Detaje të reja zbulohen nga dosja e funksionarëve të Shërbimeve Funerale të Bashkisë Tiranë, të arrestuar nga Policia për vepra të ndryshme penale.
Sipas Prokurorisë, të arrestuarit, kanë kryer disa shkelje, si ndëhyrje për nxjerrje kredie të butë, por edhe marrje të certifikatave të pronësisë dhe atyre të vaksinimit.
“Në bashkëpunim me njëri-tjetrin, kundrejt shpërblimit në shuma monetare që variojnë nga 30 000 deri 50 000 lekë të reja, bënin të mundur prenotimin e varreve për shtetas të ndryshëm. Gjithashtu, ata ushtronin ndikim të paligjshëm tek funksionarë të ndryshëm shtetërorë, duke mundësuar nxjerrjen e lejeve të ndërtimit dhe rindërtimit nga tërmeti pranë Bashkisë Tiranë kundrejt pagesës 200 000 leke të reja, nxjerrjen e certifikatave të pronësisë pranë ASHK-së, përfitimin e certifikatave të vaksinimit Covid-19, sikur personat përfitues ishin vaksinuar kundrejt pagesës në vlerën 30 000 lekë të reja, si dhe mundësonin nxjerrje kredie të butë pranë bashkisë Tiranë”, thotë Prokuroria.
Lista e të arrestuarve dhe të shpallurve në kërkim
1. Eljodor Ndini, Drejtor i Agjencisë së Shërbimeve Funerale të Bashkisë Tiranë, i dyshuar për veprat penale Korrupsion pasiv i punonjësve që ushtrojnë funksione publike, Ushtrim ndikimi i paligjshëm ndaj personave që ushtrojnë funksioneve publike, Shpërdorim i detyrës.
2. Xhemal Mena, me detyrë punonjës i Sektorit të Varrezave Tufinë pranë Agjencisë së Shërbimeve Funerale të Bashkisë Tiranë, i dyshuar për veprën penale Shpërdorim i detyrës.
3. Latif Shehu, me detyrë punonjës i Varrezave Tufinë, në Agjencinë e Shërbimeve Funerale Bashkia Tiranë, i dyshuar për veprën penale Shpërdorim i detyrës” të parashikuar nga neni 248 i K Penal;
4. Gazment Daja, me detyrë punonjës i Varrezave Tufinë pranë Agjencisë së Shërbimeve Funerale të Bashkisë Tiranë, i dyshuar për veprën penale Korrupsion pasiv i personave qe ushtrojnë funksione publike.
5. Bujar Lica, i dyshuar për veprën penale Ushtrim i ndikimit të paligjshëm ndaj personave qe ushtrojnë funksione publike.
6. Alban Ajazi, i dyshuar për Ushtrim i ndikimit të paligjshëm ndaj personave që ushtrojnë funksione publike dhe Korrupsion pasiv i punonjësve që ushtrojnë funksione publike.
7. Endrin Milla, i dyshuar për Ushtrim ndikimi i paligjshëm ndaj personave që ushtrojnë funksioneve publike, Korrupsion aktiv i punonjësve që ushtrojnë funksione publike.
8. Fatjon Gjonaj, i dyshuar për veprën penale Ndërtim i Paligjshëm.
U proceduan në gjendje të lirë
1. Roza Ndoj, e dyshuar për veprën penale Shpërdorim i detyrës
2. Juljan Çuka, i dyshuar për veprën penale Shpërdorim i detyrës
U shpallën në kërkim:
1. Shaqir Nika, i dyshuar për veprën penale Ushtrim i ndikimit të paligjshëm ndaj personave që ushtrojnë funksione.
2. Fabjan Gjonaj, i dyshuar për veprën penale Ndërtim i Paligjshëm.
