Qytetarët e Durrësit kanë dalë sërish sot për të protestuar kundër punimeve te Torra Veneciane.
Qytetarët thonë se ditën e djeshme është hedhur beton ndërsa vijonte puna për projektin e Velierës.
At6a shprehen kundër vendimit të Gjykatës Administrative, pasi sipas tyre gjykata keqinterpretoi vendimin e 16 shkurtit në lidhje me punimet.
“Jemi të indinjuar pasi nuk po zbatohen ligji. Gjykata Administrative keqinterpretoi vendimin e 16 shkurtit, pasi zbardhja e vendimit është ndryshe nga ai i 16 shkurtit te lëshuar nga Gjykata Adminsitrative’- shprehen përfaqësues nga Shoqëria Civile.
Kujtojmë se Gjykata Administrative ka urdhëruar pezullimin e punimeve për projektin e Velierës në Durrës pas zbulimit arkeologjik disa ditë më parë në këtë zonë.
Shoqëria Civile ka dorëzuar padi në Gjykatën Administrative ku kërkohej pezullimi i punimeve të bashkisë për projektin e ‘Velierës’ në Durrës pas zbulimit të rrënojave arkeologjike në këtë zonë.
Sipas arkeologëve, gjetjet historike të gjetura në Durrës gjatë punimeve për ndërtimin e sheshit ‘Velieria’ nuk duhen varrosur.
