Banorët e Zharrëzës sapo kanë mësuar se kryeprokurori i Shqipërisë, Adriatik Llalla ndodhej për analizë me prokurorët e Fierit, u grumbulluan para godinës.
Ata protestuan dhe i kërkuan prokurorisë të hetojë kompaninë Bankers dhe të vejë përpara përgjegjësisë autorët e shkatërrimit të banesave të tyre nga lëkundjet e shpeshta.
Ndërkohë nëntë persona vazhdojnë të jenë në grevë urie. Ata ndodhen në gjendje të rëndë shëndetësore, por nuk kanë marrë asnjë sinjal pozitiv për zgjidhjen e problemit të tyre.
