Deputeti demokrat Flamur Noka ka mbrojtur deputetin Ervin Salianji lidhur me procesin gjyqësor për çështjen “Geron Xhafaj”.
Ai shkuan në FB se ky është një sulm ndaj Salinajit nda ana e klanit Xhafa, për investigimin e vëllait të Fatmir Xhafës si trafikant droge.
Ai shton se pjesë e planit për t’i mbyllur gojën deputeti Salianji janë gjyqtarë me lidhje miqësore me klanin Xhafa, agjentë të SHISH, dhe dëshmitarë të rremë.
“Klani Xhafa në sulm kundër deputetit Salianji. Kolegu Ervin Salianji bëri publik investigimin e gazetarit që provonte se vëllai i “rilindasit” Fatmir Xhafa vazhdonte organizimin e trafikut të drogës. Me procese gjyqësore të montuara në shkallën e parë dhe në apel, vëllazëria e drogës i është vërsulur deputetit të Partisë Demokratike me akuzën se ai u ka dëmtuar imazhin që me “djersën e ballit” e kanë vendosur në Itali e Venezuelë. Pjesë e planit për t’i mbyllur gojën deputeti Salianji janë gjyqtarë me lidhje miqësore me klanin Xhafa, agjentë të SHISH, dëshmitarë të rremë e mbi këta qëndrojnë dy narkoshtetarët Edi Rama dhe Fatmir Xhafa. Ndodh edhe kjo, që një i arratisur ka besim te drejtësia”, shprehet Noka.
