Deputeti Eduard Halimi ka folur sot nga çadra e protestës para Kryeministrisë, protestës së opozitës që ka hyrë në ditën e saj të katërt.
Halimi iu kundërpërgjigj deklaratave të fundit nga Kryeministri me fjalët se “është mashtrim i Edi Ramës që ne duam të bllokojmë Vetingun. Nuk ka në axhendën e parlamentit asnjë hap për t’u votuar në lidhje me Reformën në Drejtësi.”
Sipas Halimit, po protestohet për zbatimin e ligjit të dekriminalizimit, sepse “ është e patolerueshme që njerëz si Armando Prenga që kanë përdorur nga 10 emra për t’iu fshehur ligjit të qëndrojnë ende deputetë në parlament. Parlamenti është strehë e trafikantëve, çdo ditë dalin deputetë trafikantë të cilët kanë 10 emra. Fakt i pamohueshëm që parlamenti është strehë e krimit. Të gjithë shqiptarët e kanë kuptuar se një qeveri që është strehë e krimit nuk mund të garantojë zgjedhje të lira dhe të ndershme. Kjo qeveri e lidhur me trafikantët që janë kryetar bashkie e përfaqësues të qyteteve tregon që nuk mund të bëjmë zgjedhje të lira,” u shpreh ai.
