Policia italiane sekuestroi një ditë më parë një gomone me drogë, të trafikuar nga Shqipëria.
Gjithashtu autoritetet fqinje identifikuan një grup trafikantësh në brigjet e zonës së quajtur “Cala Corvino”, në afërsi të komunës së Monopolit në Bari, ndërsa transportonin ngarkesën me drogë nga një gomone në bordin e dy furgonëve.
Sapo ata pikasën pranin e forcave të rendit, dy drejtuesit e furgonave si dhe dy skafistët janë larguar përmes rrugës tokësore së bashku me automjetet e tyre, duke braktisur dhe ngarkesën e drogës. Policia italiane ka mundur të sekuestrojë rreth 500 kg marijuanë me një vlerë shitje në treg rreth 2 milionë euro.
Sipas autoriteteve italiane mjeti lundrues i nisur Shqipëria ishte i pajisur me 2 motorë të fuqishëm, jashtë bordit.
