Ka dështuar mbledhja e radhës e komisionit parlamentar hetimor për privatizimin e CEZ. Ishte juristi Shkëlzen Berisha i cili shpjegoi arsyet që sipas tij seanca e sotme nuk u mbajt.
Sipas Berishës në momentin e fundit ai është njoftuar se mbledhja e parashikuar për sot nuk mund të zhvillohej, për mungesë kuorumi.
Në këto kushte juristi Shkëlzen Berisha ka ironuzar situatën e krijuar në komisionin hetimor duke shkruar: “Ramës i kanë humbur delet. Mbledhja e komisionit shtyhet për mungese kuorumi”.
Mbledhjet e mëparshme të këtij komisioni kanë dështuar për shkak të konfliktit të interesit që kryetari Taulant Balla ka me juristin Shkëlzen Berisha i cili është paraqitur 3 herë në cilësinë e dëshmitarit, por dëshmia e tij nuk është marrë, pasi Berisha refuzon të betohet para një personi me të cilin ka konflikt interesi. Kujtojmë se Balla është dënuar për shpifje ndaj Berishës.
