Në Rrugën e Arbrit, një furgon i Policisë së Shtetit në gjendje të rënduar teknike ka tërhequr vëmendjen e drejtuesve të mjeteve, pasi është parë të lëshojë sasi të mëdha tymi, duke vështirësuar dukshmërinë dhe qarkullimin.
Qytetarët raportojnë se ky mjet i amortizuar dhe me probleme serioze teknike, përbën rrezik si për sigurinë rrugore ashtu edhe për mjedisin.
Sipas dëshmive të tyre, shumë drejtues mjetesh janë detyruar të ngadalësojnë për shkak të tymit të dendur, ndërsa janë ngritur pikëpyetje mbi gjendjen teknike të furgonit dhe zbatimin e procedurave të kolaudimit.
Duhet thëné se sipas propozimeve për Kodin e Ri Penal moskryerja e kontrollit teknik (kolaudimit), ose kryerja e tij në kundërshtim me ligjin, kur sjell rrezik për jetën e qytetarëve apo ndotje mjedisore, përbën vepër penale dhe dënohet me gjobë ose deri në dy vite burgim.
Qytetarët kërkojnë që institucionet përgjegjëse të tregojnë më shumë kujdes në kontrollin e mjeteve që qarkullojnë në rrugë, veçanërisht atyre zyrtare./JOQ
