Policia ka arrestuar sot tre persona në Tiranë. Tre të arrestuarit 28, 38 dhe 24 vjeç kanë ushtruar dhunë ndaj efektivëve të policisë, pas ndalimit të tyre nga forcat blu.
Të arrestuarit dhunuan forcat blu me qëllim shmangien e shoqërimit të tyre në komisariat, pasi dyshoheshin për prishje të qetësisë publike.
Policia ka nisur hetimin edhe për tre persona të tjerë në lidhje me këtë ngjarje. Policia ka shoqëruar të arrestuarit drejt ambienteve të komisariatit, ndërsa po heton më shumë mbi rastin.
Njoftimi i policisë
Specialistët për Hetimin e Krimeve të Komisariatit të Policisë Nr. 4 arrestuan shtetasit J. K., 28 vjeç, R. N., 24 vjeç dhe R. L., 38 vjeç, si dhe referuan materialet në Prokurori, ku nisi procedimi në gjendje të lirë për shtetasit S. M., Xh. K. dhe A. B., pasi në rrugën “Memo Meto” kanë kundërshtuar dhe goditur për shkak të detyrës punonjësit e policisë.
Kjo me qëllim shmangien e shoqërimit të tyre në Komisariat, pasi dyshoheshin për prishje të qetësisë publike. Materialet procedurale iu referuan Prokurorisë së Tiranës, për veprime të mëtejshme.
