Një ngjarje e rëndë në Brampton, Kanada. Savannah Kulla, 29 vjeçe dhe nënë e katër fëmijëve, u qëllua për vdekje nga bashkëshorti i saj, Anthony Deschepper, 38 vjeç, në një parking të zonës së Airport Road dhe Queen Street East.
Pas krimit, autori mori një prej fëmijëve të tyre dhe u largua me automjet, duke u bërë objekt i një Amber Alert nga policia për sigurimin e fëmijës. Fatmirësisht, vajza u gjet shëndoshë e sigurt te familjarët.
Në orët e hershme të mëngjesit të së mërkurës, autoritetet e policisë së rajonit Niagara e gjetën Deschepper në një stacion karburanti pranë Thorold Stone dhe Montrose Road në Niagara Falls. Njësi e veçantë e emergjencës ndërhyri dhe pas një përballjeje, Deschepper u qëllua dhe u vra nga policia. Asnjë oficer nuk u lëndua gjatë ngjarjes.
Policia ka njoftuar se një armë e përket Deschepper u sekuestrua në vendngjarje. Nuk dihet nëse ai ka qëlluar ndaj policisë. Për shkak të përfshirjes së policisë në incident, Njësia e Hetimeve Speciale (SIU) e Ontarios ka marrë përsipër hetimin dhe nuk do të jepen më shumë detaje deri në përfundim të tij.
