Prej gjashtë ditësh vijon greva e urisë e punonjësve të kompanisë “Bankers Petroleum” në Marinzë. Sot, një prej grevistëve ka humbur ndjenjat gjatë qëndrimit në ambientet e jashtme të sindikatës së sektorit hidrokarbur.
Raportohet se punonjësi Josif Lino, me detyrë mekanik, është transportuar menjëherë në qendrën shëndetësore të kompanisë, ku ka marrë ndihmë mjekësore.
Në ditën e gjashtë të grevës së urisë, të paktën 10 anëtarë të këshillit sindikal kanë shfaqur përkeqësim të gjendjes shëndetësore.
Protesta e punonjësve nisi pas mosarritjes së një marrëveshjeje të re me kompaninë. Ata kërkojnë rritje page, kushte më të mira pune, transparencë në kontratat e ardhshme dhe garanci për të drejtat e tyre profesionale. Sindikata ka paralajmëruar se do ta vazhdojë grevën derisa të ketë një zgjidhje konkrete.
Lexo edhe:
Gjashtë ditë në grevë urie, përkeqësohet gjendja e naftëtarëve në Marinzë
