Kryeministri izraelit Benjamin Netanyahu ka deklaruar se lufta në Rripin e Gazës do të përfundojë vetëm pasi të përmbyllet faza e dytë e marrëveshjes së armëpushimit, që parashikon çmilitarizimin e plotë të Hamasit.
Netanyahu theksoi se “faza e dytë nënkupton çarmatosjen e Hamasit, ose më saktë, çmilitarizimin e Gazës dhe konfiskimin e të gjitha armëve të tyre”.
“Sapo kjo të përfundojë me sukses shpresoj në mënyrë të thjeshtë, por nëse duhet, edhe me forcë — atëherë lufta do të përfundojë,” tha kryeministri izraelit.
Netanyahu, i cili aktualisht përballet me akuza për korrupsion në një proces gjyqësor të hapur, konfirmoi gjithashtu se do të kandidojë sërish për postin e kryeministrit në zgjedhjet e ardhshme parlamentare.
Kreu i partisë së djathtë Likud mban rekordin si kryeministri me qëndrimin më të gjatë në historinë e Izraelit plot 18 vite në pushtet, me ndërprerje, që prej vitit 1996.
