Një person në Prizren është arrestuar pasi ka therur me thikë bashkëshorten dhe vajzën e tyre të mitur, duke i plagosur rëndë, bëri të ditur Prokuroria Themelore në këtë qytet.
Sipas mjekëve, gjendja shëndetësore e të plagosurave është e rëndë.
Ngjarja u raportua në orën 00:20 të 17 tetorit dhe patrulla policore me të arritur në vendngjarje hasi në bashkëshorten e të arrestuarit e cila gjendej në rrugë me lëndime trupore dhe gjakderdhje të shkaktuara nga thika.
Po ashtu, në katin e fundit të ndërtesës është gjetur edhe vajza e mitur e cila po ashtu kishte lëndime trupore dhe gjakderdhje.
Autoritetet thanë se në hyrje të banesës e kanë identifikuar dhe arrestuar të dyshuarin.
Prokuroria njofton se po vazhdon hetimet për këtë rast dhe do të parashtrojë në gjykatë kërkesën për caktimin e masës së paraburgimit për të dyshuarin.
