Një situatë e rënduar trafiku është regjistruar gjatë ditës së sotme në aksin dytësor Vorë–Maminas, pas bllokimit të një segmenti të autostradës që lidh këto zona.
Si pasojë, trafiku është përqendruar në rrugën dytësore, ku automjetet janë renditur në një kolonë të pandërprerë që nis nga kryqëzimi i Budullës, pranë Fushë-Krujës, dhe shtrihet deri në zonën e Maminasit.
Raportohet se kolona e automjeteve është mbi 15 kilometra e gjatë, duke shkaktuar vonesa të konsiderueshme për drejtuesit e mjeteve.
