Në një zhvillim të papritur, kryebashkiaku i Nju Jorkut, Eric Adams, ka njoftuar se nuk do të kandidojë për një mandat të dytë.
Vendimi vjen ndërsa rritet presioni politik për të bashkuar votat kundër kandidatit socialist Zohran Mamdani. Adams, i cili në sondazhe renditej pas Mamdanit, ish-guvernatorit Andrew Cuomo dhe republikanit Curtis Sliwa, ka vendosur të largohet pas periudhe të gjatë spekulimesh mbi të ardhmen e tij politike.
Në një video-mesazh drejtuar qytetarëve, Adams falenderoi për mbështetjen dhe përmendi si arritje të mandatit të tij: uljen e kriminalitetit, ndërtimin e mijëra njësive të banimit dhe menaxhimin e situatës së emigrantëve në qytet.
Largimi i tij pritet të ndryshojë dinamikën e garës për Bashkinë e Nju Jorkut, duke e bërë Mamdani favorit, por me një front më të bashkuar të kundërshtarëve që synojnë të ndalojnë fitoren e tij.
