Një mjek 44-vjeçar në Tiranë është vënë nën hetim, pasi një paciente ka kallëzuar se ai e ka ngacmuar para se t’i kryhej një ndërhyrje mjekësore në spital.
Sipas denoncimit të pacientes, gjatë vizitës dhe përgatitjes për ndërhyrje, mjeku nuk ka respektuar rregullat e etikës profesionale.
Policia bën me dije se specialistët për Hetimin e Krimeve të Komisariatit Nr. 4 kanë referuar materialet në Prokurori dhe kanë nisur procedim penal ndaj shtetasit A. Gj., 44 vjeç.
Një grua 75-vjeçare në Japoni është arrestuar pasi mbajti trupin e vajzës së saj në frigorifer për plot 20 vite.
Gruaja shkoi vetë në polici, e shoqëruar nga një anëtar i familjes, ku deklaroi se në frigorifer ndodhej trupi i vajzës së saj, e lindur në vitin 1975.
Policia gjeti trupin në banesën e saj në verilindje të Tokios. Trupi ishte i mbështjellë, i veshur me një bluzë dhe të brendshme, por tashmë në një gjendje të avancuar dekompozimi.
E moshuara u arrestua me akuzën për braktisjen e një trupi. Në dëshminë e saj, ajo pranoi se, për shkak të erës së fortë që kishte pushtuar shtëpinë dy dekada më parë, bleu një frigorifer të veçantë për ta ruajtur trupin e vajzës atje.
“Njëzet vjet më parë, era e trupit mbushi të gjithë shtëpinë, kështu që bleva një frigorifer dhe e vendosa atje”, ka thënë ajo para hetuesve.
