Një i burgosur ka tentuar të arratiset nga Burgu i Fierit të mërkurën. Bëhet fjalë për Bledar Selmanajn. Ai ka qenë në ajrim dhe ka tentuar të dalë nga rrethimi i burgut
Selmanaj është i dënuar për vrasjen e Xhulian Bullarit dhe sipas raportimeve, ky nuk është rasti i parë që ai tenton të largohet nga burgu. Ai ka tentuar arratisjen nga burgu dhe dy herë të tjera.
Selmanaj u arrestua më 21 gusht 2021 në zonën e ish-Bllokut në Tiranë. Ai ekzekutoi shokun e tij brenda makinës, duke e qëlluar me plumb në kokë, ndërsa në oborrin e banesës së tij, në qytetin bregdetar, iu gjet e groposur arma e krimit, si dhe veshjet që kishte përdorur ditën e ngjarjes.
Selmanaj, refuzon të jetë ai autori i krimit dhe shprehet se Xhuljanon e vrau një shok i tij me precedentë penalë, të cilin e takoi në Vlorë.
Sipas tij arsyeja që ata shkuan në Vlorë, është pasi Xhuljano i kërkoi ta shoqëronte për të takuar personin i cili më pas e ekzekutoi.
