Emisioni “Stop” në Tv Klan shkoi në Krushovë të Skraparit, ku takoi çiftin Myzafer dhe Anila Hoxha.
Ata treguan se pas 15 vitesh vendosën të shisnin 30 kafshët që kishin, duke rënë në kontakt përmes “Facebook”-ut me Shefmir Kurtin. Ky i fundit mori 27 prej tyre për 18 milionë lekë, ndërsa çifti i dha edhe një kalë e 5 mëza falas.
Pagesa u bë përmes një akt-shitjeje tek noteri Prelë Perkolaj, ku parashikohej shlyerja me tre këste (5, 5 dhe 8 milionë lekë). Por pas kalimit të afateve, Shefmir Kurti nuk dha asnjë shumë.
I kontaktuar nga “Stop”, ai pranoi se nuk kishte mundësi financiare, ndërsa pas njoftimit të policisë kërkoi tolerancë të fundit, duke premtuar kthimin e parave deri më 17 shtator. /Tv klan
