Venezuela nuk ia ka dalë të kualifikohet në Botërorin 2026 dhe vazhdon mallkimin e saj si përfaqësuesja e vetme e Amerikës së Jugut që nuk ka marrë pjesë asnjëherë në një aktivitet të tillë.
Dhe për presidentin Nikolas Maduro, kjo ka qenë një goditje e rëndë sidomos duke parë se aktiviteti zhvillohej në SHBA dhe njihet situata e tensionuar mes dy vendeve.
Pas humbjes 6-3 ndaj Kolumbisë në ndeshjen e fundit, ai ishte tejet i acaruar në komentin e tij rreth ndeshjes. “Ishte një humbje shumë e dhimbshme, i gjithë kombi kërkon një riorganizim të strategjisë, të identitetit, të linjës së luftës dhe punës në ekipin kombëtar”, ishien fjalët e Maduros, të cilat janë vënë menjëherë në zbatim nga Federata Venezuelane e Futbollit.
Ajo ka shkarkuar menjëherë trajnerin argjentinas Fernando Batista, duke nisur kërkimin për një të ri, që të ndërtonte një cikël që të çonte Venezuelën në një aktivitet si Botërori për herë të parë. Ndërkohë, vetë trajneri e ka cilësuar këtë një vendim të marrë bashkërisht me Federatën, pasi nuk ishte arritur objektivi i kualifikimit.
