Lulzim Konçi, një prej figurave më të njohura në sportin shqiptar, është ndarë nga jeta. Ish-gjyqtari ndërkombëtar i FIFA-s ndërroi jetë në moshën 85-vjeçare, duke lënë pas një trashëgimi të vyer.
Konçi nisi rrugëtimin e tij me pasionin për futbollin si lojtar te Tirana dhe Dinamo. Më pas u ngjit në radhët më të larta të arbitrimit, duke përfaqësuar Shqipërinë si gjyqtar i FIFA-s.
Përveç kontributit të madh në sport, Konçi ishte edhe edukator. Ai mbeti i lidhur me botën e futbollit edhe pas tërheqjes si gjyqtar, duke shërbyer si vëzhgues.
Prej disa vitesh, ai jetonte në Nju Jork. Gazeta “Panorama Sport” i shpreh ngushëllimet më të sinqerta familjes Konçi.
