Ndotja masive e lumit Vjosa ka rikthyer vëmendjen e mediave ndërkombëtare. Televizioni publik gjerman, ARD, publikoi së fundmi një kronikë me titull “Skandal mjedisor në parkun kombëtar të lumit të egër në Shqipëri”, ku evidenton ndotjen alarmante nga nafta dhe nënproduktet e saj.
Gazetarët gjermanë vizituan vendin dhe panë nga afër dëmet në parkun kombëtar të Vjosës, një zonë e mbrojtur ku jetojnë shumë specie kafshësh dhe shpendësh të rrezikuar. Ata raportojnë se infrastruktura e kompanisë Albpetrol është e vjetruar dhe rrjedhjet e naftës janë të shumta.
“Pompat janë të vjetra, situata është katastrofike. Nafta rrjedh kudo,” thanë ekologjistët.
ARD shton se në fund të lumit funksionon një hidrocentral dhe një digë e vjetër, duke rrezikuar habitatin e mbrojtur dhe duke shkelur premtimin për një park kombëtar të ruajtur.
LEXO EDHE:
Integriteti ekologjik i lumit Vjosa rrezikon të mbetet në letër
