Detaje të reja janë zbardhur mbi zhdukjen e ish-zëvendësdrejtorit të AKSHI-t, Daniel Shima, për rreth 10 orë. Shima kishte thënë se ishte në jug të vendit, por kamerat e sigurisë e regjistruan në tunelin e rrugës Tiranë-Elbasan.
Gazetarja Klodiana Lala në News 24, deklaroi se Shima është një person që di shumë informacione, ndaj zhdukja e tij duhet hetuar deri në fund. Sipas saj, gjatë 10 orëve, persona të interesuar që ai të heshtë mund të kenë pasur kohë të ndërhyjnë. Lala shtoi se kohët e fundit Shima kishte kërkuar para me fajde, gjë që tregon se gjërat nuk i kishin shkuar mirë.
“Daniel Shima konsiderohej truri kryesor i AKSHI-t. Kontaktin e fundit e pati me partneren e tij. Ai ishte në Borsh dhe gjatë kthimit kishte blerë vezë. Dje shkoi tek shtëpia e gjyshes. Partneres i dërgoi vetëm një mesazh se po më arrestojnë. Nga ky moment u dha alarmi. Kamerat e sigurise e tregojnë edhe në Tiranë deri tek tuneli i Elbasanit. Ai tha se kishte konflikt me partneren, por nuk ka dhënë shpjegime për vendndodhjen, personat që takoi dhe arsyen e mesazhit,” tha Lala.
LEXO EDHE:
Klodiana Lala për zhdukjen e Daniel Shimës: Di shumë, mund të jetë kërcënuar të heshtë
