Gjykata e Apelit ka lënë në fuqi masat e sigurimit “arrest në burg” për Fatjon Bushgjokën dhe Petrit Çakrrin, të dyshuar për vrasjen e 22-vjeçarit Renis Dobra.
Dobra u mbyt me litar mbrëmjen e 8 korrikut. Sipas hetimeve, autorët e ndjekën Dobrën nga qyteti i Burrelit, e dhunuan dhe e mbytën, më pas hodhën automjetin dhe trupin e pajetë në liqen për të fshehur krimin.
Gjatë seancës, avokatët e të dyshuarve kërkuan lirimin e menjëhershëm, duke e cilësuar të paligjshëm arrestimin.
Në kërkim për këtë ngjarje janë edhe Kristi dhe Aleksandër Bushgjokaj.
