Mbrojtësi i Kombëtares, Marash Kumbulla, duket se do të largohet nga Roma pasi do të rikthehet në Spanjë, por këtë herë për të veshur fanellën e Mallorcas.
Pas një sezoni në huazim po në La Liga, por me Espanyol, trajneri Gian Piero Gasperini nuk e ka përfshirë më në planet e tij te Roma, duke hapur rrugën për një tjetër huazim të 25-vjeçarit.
Kumbulla pritet të kryejë vizitat mjekësore sot dhe më pas të firmosë kontratën me klubin spanjoll. Marrëveshja përfshin të drejtën e blerjes në fund të sezonit për një shumë që shkon deri në 8 milionë euro.
Mallorca e sheh mbrojtësin shqiptar si përforcim të denjë, ndërkohë që për shërbimet e tij kishte interes edhe nga klube të tjera në Itali dhe Spanjë. Kumbulla ka përvojë në Serie A, ku është aktivizuar më parë veç Romës, edhe me Veronën dhe Sassuolon, ndërsa rikthimi në La Liga shihet si një mundësi për të rifituar formën më të mirë.
Pas mbërritjes në ishull, Kumbulla ka thënë edhe fjalët e para, ndërsa do jetë shok skuadre me Vedat Muriqin.
“Jam shumë i lumtur që jam këtu. Zgjodha Mallorcan sepse trajneri dhe drejtori sportiv më dhanë besim”, tregoi ai.
